သတင်းစာနှင့် ဘာသာပြန်လောကအတွက် အစားထိုးမရသူတစ်ဦး ကွယ်လွန်လေပြီ
စိုးသန်းလင်း
မြန်မာတိုင်းမ် အတွဲအမှတ် (၂၄ ၊ အမှတ် ၄၆၁)
အလယ်တန်းအထိ - စာသင်ဖူးသော အသက် ၃၀ မှ ၆၀ ကြား မြန်မာ နိုင်ငံ သားတိုင်းသာမက လူငယ်မျိုးဆက်သစ်တို့ အကြားမှာပင် ဩဇာ ကြီးမားဆဲ ဖြစ်သော English for Self-Study စာအုပ်အား ပြုစုခဲ့သူ ဆရာ စီတီအို (CTO - ဆရာ ချစ်သိန်းဦး) သည် မြန်မာတိုင်း(မ်) ဂျာနယ်၏ Contributing Editor အဖြစ်လည်းကောင်း၊ သတင်းစာပညာ၊ ဘာသာပြန်ပညာတို့ကို လက်ဆင့်ကမ်းဝေမျှလျက်ရှိသူ အဖြစ် လည်းကောင်း၊ နောက်ဆုံးအချိန်အထိ တာဝန်ထမ်းဆောင်ရင်း ၂၀၁၀ ပြည့်နှစ်၊ ဧပြီလ ၆ ရက် နံနက် ၉ နာရီခွဲတွင် မြန်မာတိုင်း(မ်)ဂျာနယ်ရှိ ၎င်း၏အလုပ်ခန်း၌ လူကြီးရောဂါဖြင့် ကွယ်လွန်သွားခဲ့သည်။
စစ်ကိုင်းတိုင်း၊ မုံရွာမြို့၊ ဆူးလေကုန်းရပ်၊ ဘူတာလမ်း၌ အဖ ဦးတင်ဦး၊ အမိ ဒေါ်ကြည်တို့မှ ၁၉၃၂၊ ဧပြီ ၃၀ ရက်နေ့တွင် မွေးဖွားခဲ့ပြီး ငယ်နာမည် 'တက်တူ'၊ ကျောင်းနာမည် မောင်ချစ်သိန်းမှ ကလောင်အမည် 'ချစ်သိန်းဦး' ဟူသော သတင်းစာဆရာအဖြစ်သို့ ရောက်ရှိခဲ့သည့်ဆရာသည် မြန်မာနိုင်ငံ၏ နိုင်ငံရေးဇာတ်ခုံ၌ ဘ၀အဖုံဖုံ ကျင်လည်ခဲ့ဖူးသူလည်း ဖြစ်သည်။
တက္ကသိုလ်ကျောင်းသားဘ၀၌ အလံနီ ကွန်မြူနစ်များထံသို့ ထင်တစ်လုံး ဖြင့် သွားရောက်ခဲ့အပြီး အသွင်မတူ သောကြောင့် မြေပေါ်သို့ ပြန်ရောက်ခဲ့ကာ ရန်ကုန်တက္ကသိုလ်၌ မြန်မာစာ ဆရာ၊ ထိုမှ အင်္ဂလိပ်စာ ဆရာအဖြစ် အမှုထမ်းခဲ့သူဖြစ်သည်။
အဆိုပါ အတွေ့အကြုံများကပင် သူ့အား ဂါဒီယန် သတင်းစာ အယ်ဒီတာဘ၀သို့ တွန်းပို့ခဲ့သည်ဟု ဆရာရှိစဉ်က ပြောပြဖူးသည်။
"ဆရာချစ်ကို ဂါဒီယန်သတင်းစာ အယ်ဒီတာဘ၀မှာ ရင်းရင်းနှီးနှီးပေါင်း ခဲ့ဖူးတယ်။ သူ့အင်္ဂလိပ်စာက အဆင့်မြင့်တယ်။ ကောင်း တယ်။ သတင်းစာ သမားအချင်းချင်းတောင် သူ့ရေးဟန်ကို အတုခိုးကြရ၊ စောင့်ဖတ်ကြရတယ်။ ကျောင်းသင်ခန်းစာကိုပါ စောင့် ဖတ်ကြရတဲ့အထိ သူ့အင်္ဂလိပ်သဒ္ဒါက ကောင်းတယ်။ လူမှုဆက်ဆံရေးမှာလည်း ထူးခြားတယ်။ လူတိုင်းနဲ့ တည့်တယ်။ အမြဲ ပျော်ပျော်ရွှင်ရွှင်နေတယ်။ လောကကြီးကို ဟားတိုက်ပြီး နေနိုင်တဲ့သူပါပဲ"ဟု သူ့လုပ်ဖော်ကိုင်ဖက်တစ်ဦးဖြစ်သော သတင်းစာဆရာ၊ စာရေးဆရာ မောင်ဝံသက အမှတ်တရ ပြောသည်။
ဘ၀စုံခဲ့သူလည်းဖြစ်၊ သတင်းစာ ဆရာလည်းဖြစ်သောကြောင့် သူ့တွင် မတူခြားနားလှသော မိတ်ဆွေအမျိုးမျိုး တို့ရှိသည်။ ကဗျာဆရာများ ရှိသည်။
တစ်ပြိုင်တည်းမှာပင် တိုက်ခိုက်ရေး စွမ်းရည်ပြည့် တပ်မတော်အရာရှိကြီးများ ရှိသည်။ အလံနီများနှင့် ကွန်မြူနစ် များရှိသလို ဆိုရှယ်လစ်များ၊ တိုင်းရင်းသားခေါင်းဆောင်များ၊ အရင်းရှင်ကြီး များလည်း ရှိသည်။
မိဘတို့က ခရစ်ယာန်ဘာသာဝင်များ ဖြစ်၍ ခရစ်ယာန်ဘာသာသို့ သူ ၀င်ခဲ့ဖူးသည်။
သို့ရာတွင် ဘာသာရေးအစွဲ အလမ်းမထားဘဲ အစိုးရ၀န်ထမ်းဘ၀၌ ကိုးကွယ်သည့်ဘာသာနေရာတွင် ဘာသာမဲ့ဟုပင် ဖြည့်စွက်ခဲ့ ဖူးသည်ဟု မြန်မာတိုင်း(မ်)ဂျာနယ်တိုက် သူ့အလုပ်ခန်း၌ ဆရာက ပြောဖူးသည်။
မည်သည့်ဘာသာကိုမျှ ယုံမှတ်စွာ ကိုးကွယ်မှုမပြုသော်လည်း ဘာသာကြီးများနှင့် ပတ်သက်ပြီး ဘာသာရေးသမားများထက်ပင် ကျွမ်းဝင်နှံ့စပ်သူ ဖြစ်သည်။
မင်္ဂလသုတ်ကို အထစ်အငေါ့မရှိ ရွတ်ပြတတ်သလို ဓမ္မသစ်ကျမ်းလာ အဆုံးအမများကိုလည်း ရွတ်ပြလေ့ရှိသည်။ ကဗျာနှင့် ဂီတကို ချစ်မြတ်နိုးသူ ဖြစ်ရာ သူ့အလုပ်ခန်း၌ ပတ္တလားတစ်ခုကို ထား၍ပင် အလုပ်နားချိန်တို့တွင် မြန်မာသီချင်း ကြီးအချို့ ဆိုတီး၊ တီးလေ့ ရှိသည်။
ဆရာဇော်ဂျီ၏ ဗေဒါလမ်းကဗျာ၊ ကျူရိုးရှင် ကဗျာများအပါအ၀င် မြန်မာစာ အဆီအနှစ်များရွတ်ဆိုပြလေ့ရှိသည်။
ဝန်ထမ်းများထဲမှ စိတ်ဝင်စားသူတို့အား လုပ်ငန်းခွင်သုံး အင်္ဂလိပ်စာစွမ်းရည်၊ ဘာသာပြန် စွမ်းရည် အတွက် အင်္ဂလိပ်-မြန်မာ နှစ်ဘာသာဆိုင်ရာ အနှစ်သာရများသင်ကြားပေးခြင်း၊ သတင်းစာ လောက၏ ကိုယ်တွေ့များ၊ ကျင့်ဝတ်များကို ဝေမျှခြင်း၊ အိမ်က ပို့ထားသမျှ၊ သား၊ သမီးတို့က လိုလေသေး မရှိ ပို့လာသမျှ မုန့်မျိုးစုံတို့ကို လုပ်ဖော်ကိုင်ဖက်များ၊ တပည့်တပန်းများအား နှမြော တွန့်တိုခြင်းမရှိဘဲ ထုတ်ကျွေးတတ်ခြင်း တို့ကြောင့် ဆရာ့နားနေချိန်များမှာပင် ဆရာ့ အခန်း၌ အမြဲစည်ကားလျက်ရှိသည်။
ထို့ပြင် မြန်မာတိုင်း(မ်)စာစောင်၏ ဘာသာ ပြန်သင်တန်းနှင့် သတင်းစာသင်တန်းတို့အတွက် လည်း အားထားရဆုံးသော နှစ်ဘာသာ ကျွမ်းကျင်သည့် သတင်းစာဆရာကြီးဖြစ်လေရာ ပြင်ပမှလာရောက်သင်ယူကြသောဘာသာ ပြန်စာရေးဆရာ၊ အယ်ဒီတာ လောင်းလျာ တို့ သည်လည်း ရာဂဏန်းမက ရှိလေပြီ။ အချို့ဆိုလျှင် သတင်းထောက်ကောင်းများ၊ အယ်ဒီတာ ကောင်းများပင် ဖြစ်နေကြပြီ။
၈၈ အရေးအခင်းပြီးသည့်အခါရှိနှင့်ပြီး နိုင်ငံပိုင်သတင်းစာတိုက် ခြောက်တိုက်တို့ တူရာတူရာ စုပေါင်းလိုက်ချိန်တွင် The Working People’s Daily သို့ ဆရာ ဒုတိယအယ်ဒီတာချုပ်အဖြစ်သို့ ရောက်လာခဲ့စဉ်မှစ၍ သူ့အရည်အသွေးကို၊ သူ့စိတ်စေတနာကို ကျွန် တော်တို့ ချစ်ခင်လေးစားခဲ့ကြရသည်။
၁၉၉၀ ပြည့်လွန်နှစ်များ၌ သတင်းစာသမား အများစုတို့ ပြင်ပစာနယ်ဇင်းလောကသို့ ခြေချလာချိန်တွင် ဆရာသည် ဟိုတုန်းကလိုပင် သတင်းစာပညာနှင့် ဘာသာပြန်အရည်အသွေးများကို ဖက်တွယ်ထားဆဲ၊ ဖြန့်ဖြူးနေဆဲ၊ ချစ်မြတ်နိုးဆဲဖြစ်သည်။
ထို့အတူ အရက်ကိုလည်း ဆက်ချစ်နေဆဲဖြစ်ကြောင်းတွေ့ရ၍ ကျန်းမာရေးအတွက်လျှော့ပါဦးဟု ရင်းနှီးစွာတိုက်တွန်းသည့်အခါ "ဆရာဝန်ကပြောထားတယ်၊ ကိုယ်သောက်တဲ့နှုန်းအတိုင်းဆိုရင် ၆၀ ပြည့် အောင် မနေရဘူးတဲ့၊ အခု ကိုယ် ၆၄ နှစ် ရှိသွားပြီ ဆိုတော့ လေးနှစ်တောင် အမြတ်ထွက်နေသေးတယ်။ ဒီဘက်နှစ်တွေမှာ နေရသမျှ အမြတ်ချည်းပဲဗျ"ဟု ပြန်ပြောလေ့ရှိသည်။
သတင်းသမားတို့အတွက် ကမ္ဘာကြီးက ပိုပြီး လုံးဝန်းသည်၊ ရွာငယ်လေးမျှသာ ဖြစ်သည်မို့ ၂၀၀၀ ပြည့်နှစ်၌ ဆရာနှင့် မြန်မာတိုင်း(မ်) ဂျာနယ်တွင် လုပ်ဖော်ကိုင်ဖက်အဖြစ်ရော၊ ဆရာတပည့်အဖြစ်ပါ ပြန်ဆုံခွင့်ရတော့လည်း ဆရာ့ထံမှ ဆည်းပူး၍ မဆုံးနိုင်သော အတွေ့ အကြုံများစွာကို နေ့စဉ်ရလျက်ရှိသည်။
မိမိထက်များစွာပျိုမျစ်သော စာနယ်ဇင်းမျိုးဆက်သစ်များအတွက် ဆရာသည် သုံးမကုန်နိုင်သော ပညာရတနာသိုက်ကြီးနှယ် ရှိခြိမ့်မည်။
သူတတ်ကျွမ်းသမျှကို စေတနာအပြည့်ဖြင့် နည်းအမျိုးမျိုးဖြင့် နောက်ဆုံး ထွက်သက်အထိ ဝေမျှသွားခဲ့သော ဆရာ့အား စာနယ်ဇင်း လောကအတွက် အစားထိုးမရသောပညာရှင် တစ်ယောက်အဖြစ် မော်ကွန်းထိုးအပ်ပါသည်။
သတင်းစာဆရာကြီး ဦးချစ်သိန်းဦး
သန်းအောင် 
ဆရာစီတီအို၏ ငယ်စဉ်ဘ၀ပုံရိပ်များ
ဆရာဦးချစ်သိန်းဦး (CTO) သည် ရန်ကုန်တက္ကသိုလ် အင်္ဂလိပ်စာ ဌာနတွင် နည်းပြဆရာအဖြစ် တာဝန်ထမ်းဆောင်ပြီးနောက် The Guardian Daily သတင်းစာတွင် အယ်ဒီတာအဖြစ် ပြောင်းရွှေ့ တာဝန်ထမ်းဆောင်ခဲ့သည်။
The Working People's Daily သတင်းစာတွင် ဒုတိယအယ်ဒီတာချုပ် အဖြစ် ရာထူး တိုးမြှင့် တာဝန်ထမ်းဆောင်ခဲ့ပြီး ထိုအလုပ်မှ ၁၉၉၂ ခုနှစ်၊ ဇူလိုင် ၁၉ ရက်နေ့တွင် အငြိမ်းစားယူခဲ့သည်။
ဆရာဦးချစ်သိန်းဦးသည် စိန်ဂျွန်းအထက်တန်းကျောင်း (ယခု လမ်းမတော် အထက-၁)တွင်လည်း အင်္ဂလိပ်စာဆရာအဖြစ် တာဝန်ထမ်း ဆောင်ခဲ့ပြီး အင်္ဂလိပ်ကျူရှင်ဆရာအဖြစ်လည်း နှစ်ပေါင်း မြောက်မြားစွာ တပည့် တပန်းများကို သင်ကြားပို့ချပေးခဲ့သည်။
ဆရာဦးချစ်သိန်းဦးသည် မြန်မာ ကွန်ဆိုလီဒိတ်တက်မီဒီယာလီမိတက် (MCM) မှ ထုတ်ဝေသည့် The Myanmar Times အပတ်စဉ်စာစောင် တွင် ၂၀၀၀ ပြည့်နှစ်၊ ဖေဖော်ဝါရီလ ၂၄ ရက်နေ့မှ ကွယ်လွန်ချိန်အထိ တာဝန်ထမ်းဆောင်ခဲ့သည်။
မြန်မာတိုင်း(မ်)တွင် သတင်းထောက်သင်တန်း၊ ဘာသာပြန်သင်တန်း များ၌ လူငယ်များကို အင်္ဂလိပ်စာနှင့် သတင်းအတတ်ပညာများကို သင်ကြားပေးခဲ့သည့် အပြင်မြန်မာတိုင်း(မ်) အတိုင်ပင်ခံ အယ်ဒီတာ အဖြစ်လည်း ကွယ်လွန်သည်အထိ တာဝန်ထမ်းဆောင်ခဲ့သည်။
CTO အပြင် 'နေဒွန်း'ကလောင်အမည်နှင့် အင်္ဂလိပ်၊ မြန်မာဆောင်းပါးများစွာ ရေးခဲ့သည်။ CTO ၏ English for Self-Study စာအုပ် သည်ကျောင်းသားများအတွက် အလွန်အသုံးဝင်၍ အကြိမ်ကြိမ် ပုံနှိပ်ထုတ်ဝေ နေရသည်။
ဆရာဦးချစ်သိန်းဦးသည် စာအသင်အပြကောင်းသည့်အပြင် ရယ်စရာ၊ မောစရာလေးများလည်း ပြောတတ်၍ တပည့်တပန်းများနှင့် သူငယ်ချင်း အပေါင်းအသင်းများ၏ ချစ်ခင်သူတစ်ဦးလည်းဖြစ်သည်။
ဦးချစ်သိန်းဦးကို အဖ ဦးတင်ဦး၊ အမိ ဒေါ်ကြည်တို့က ၁၉၃၂ ခုနှစ်၊ ဧပြီလ ၃၀ ရက်နေ့တွင် မုံရွာမြို့၌ မွေးဖွားခဲ့သည်။
မွေးချင်းမောင်နှမနှစ်ယောက်ရှိသည်။
ဒေါ်ခင်ဝင်းမြင့်(ခေါ်)ဒေါ်ဖြူနှင့် အိမ်ထောင်ပြုခဲ့ပြီး သားသမီး ကိုးယောက်နှင့် မြေး ၁၂ ယောက်ကျန်ရစ်သည်။
ဆရာကြီးဦးချစ်သိန်းဦးသည် ဧပြီလ ၆ ရက်နေ့က ဘ၀တစ်ပါးသို့ ကူးပြောင်းသွားသည်။
သတင်းစာဆရာကြီး ဦးချစ်သိန်းဦး(CTO) ဘ၀မှတ်တိုင်များနှင့် ခေတ်ပြိုင်ဆရာများ၏ သူ့အပေါ်အမြင်
ဆရာချစ်သိန်းဦး မသေ
မောင်သွေးသစ်
၆၊ ဧပြီ၊ ၂၀၁၀၊ နေ့လယ် ၁၁း၃၀။
-
ပညာရှင်တစ်ယောက်
ပိတောက်ပွင့်အောင်တောင် မစောင့် နိုင်ဘဲ
နွေတောထဲမှ ရုတ်ခြည်းထွက်ခွာ
တမလွန်ရွာသို့ ခရီးနှင်ပြီ။
- ငါ့ပညာတွေကို
သေရွာသို့ ယူမသွားပါဘူးကွာ
ချစ်စွာသော တပည့်တို့ရေ
ငါ့ပညာအမွေတွေကို
မင်းတို့တစ်တွေကို ပေးခဲ့မယ်
သိမ်းကျုံးယူလှည့်ကြကွယ့်
တပည့်တို့ ထူးချွန်ထက်မြက်မှုအပေါ်
ဆရာ ပြုံးပျော်ချင်တယ်ကွယ်။
-
အို..ချစ်စွာသောဆရာ
အင်္ဂလိပ်ဘာသာနဲ့ မြန်မာပြန်
သတင်းအတတ်ပညာ
အစဉ်အလာ ကြီးမားဝင့်ထည်ခဲ့
လောဘတရားကို ပယ်ခွာ
စာပေ၌သာ မွေ့ထုံ
ပတ္တလားသံစုံတီးခတ်
ပတ်ပျိုးနဲ့ နတ်ချင်းကိုဆို
နုပျိုဆဲ ဆရာ့ရုပ်သွင်ဟာ
သတင်းနှင့်စာနယ်ဇင်းရင်ပြင်မှာ
မွန်မြတ်ဝင့်ထည်စွာ ထင်ဟပ်
အနာဂတ်ကာလများသို့တိုင်
ခိုင်မာတည်တံ့နေပါဦးမယ်..ဆရာ။
-------------------------------------------------------------------
မေ့၍မရနိုင်သူ
- ဦးမြသိန်း (အယ်ဒီတာချုပ်-ငြိမ်း) ဗိုလ်တထောင်သတင်းစာမည်သို့မှ မေ့၍မရနိုင်သော သတင်းစာဆရာကြီး/စာရေးဆရာကြီး ဦးချစ်သိန်းဦးကို ၁၉၅၁/၅၂ မှစ၍ ရန်ကုန် တက္ကသိုလ်တွင် စတင်တွေ့ဆုံခဲ့ပြီး ၁၉၅၅ ခုနှစ်တွင် လူချင်းကွဲသွားခဲ့ရာ ၁၉၈၀ တွင် ကျွန်တော် ပြန်ကြားရေး ၀န်ကြီးဌာန သတင်းနှင့်စာနယ်ဇင်း ကော်ပိုရေးရှင်း မြ၀တီပုံနှိပ်တိုက်သို့ အယ်ဒီတာချုပ်အဖြစ် ရောက်ရှိလာသောအခါ ထိုစဉ်က အင်္ဂလိပ် သတင်းစာ The Working People's Daily တွင် သူနှင့်ပြန်ဆုံပါသည်။
ဆရာ CTO သည် ရန်ကုန်တက္ကသိုလ်မှ English Literature ဖြင့် ၀ိဇ္ဇာဘွဲ့ရခဲ့သူဖြစ်ရာ အင်္ဂလိပ်စာအရေးအပြော အလွန်တော်ပါ သည်။
ထိုစဉ်က အင်္ဂလိပ်စာ ပါမောက္ခ မစ္စတာကံကြီးကပင် သူ့ကို ချီးကျူးခဲ့ပါသည်။
ဆရာ CTO သည် ပျော်ပျော်ရွှင်ရွှင်နေတတ်သူဖြစ်သည်။ တာဝန်ကိုလည်း ကျေပွန်စွာထမ်းသူ ဖြစ်ပါသည်။
သူသည် မည်သူ့ကိုမဆို အကူအညီပေးသူဖြစ်ပါသည်။
ယခုလို သူကွယ်လွန်သွားသောကြောင့် ကျွန်တော် အလွန်စိတ်ထိခိုက်ပါသည်။
ယနေ့ ၆-၄-၂၀၁၀ နံနက် ၉ နာရီခွဲခန့်၌ သူ့အခန်းသို့ ကျွန်တော်ရောက်စဉ် သူအနားယူနေသည်ကိုတွေ့ရ၍ ၁၀ မိနစ်ခန့် သူ့အနားတွင်ထိုင်ပြီး ဦးမျိုးသန့်၊ ကိုသွေးသစ်တို့အား ဆရာ CTO နိုးလာလျှင် ကျွန်တော်လာသွားကြောင်း ပြောပေးပါဟူ၍ မှာခဲ့ပါသည်။
ထို့နောက် လမ်းပေါ်တွင် အယ်ဒီတာ ဦးသန်းအောင် နှင့်တွေ့ရာ "ဆရာ CTO တော့ အိပ်နေလေရဲ့ ကျွန်တော်မနှိုးဘဲ ထွက်လာ တယ်"ဟူ၍ပင် ပြောလိုက်မိပါသည်။
ယခုကဲ့သို့ ဆရာကြီး CTO ကွယ်လွန် သွားသည့်အတွက် ပညာရေးလောက၊ စာနယ်ဇင်းလောကအတွက် အလွန် ကြီးမားသော ဆုံးရှုံးမှုကြီးပင်ဖြစ်သည် ဟု ကျွန်တော်ခံယူမိပါသည်။
-------------------------------------------------------------------
- ဦးဝင်းတင် (ဟံသာဝတီသတင်းစာ၊ အယ်ဒီတာချုပ်ဟောင်း)"သူက လွတ်လပ်တဲ့သူတွေတွေးသလိုမျိုးတွေးတယ်။ အမြဲတမ်း လွတ်လွတ်လပ်လပ်နေတယ်။ ကျောင်းသားဘ၀တုန်း ကလည်း ခင်ခဲ့ပေမယ့် သတင်းစာဆရာလုပ်တဲ့အခါမှာတော့ သူ့ရဲ့ စိတ်နေစိတ်ထားကို ပိုပြီးတော့သိလာတယ်။ သူနဲ့ တွေ့တဲ့သူတိုင်းက လွတ်လပ်တဲ့အသိုင်းအ၀ိုင်းကိုရတယ်လို့ ပြောလို့ရတယ်။ သူ့အယူအဆက လွတ်လပ်စွာနဲ့ စဉ်းစားတာပဲ ဆိုတာကိုတွေ့ရတယ်။ အန်ကယ့်ကို တချို့လူတွေ လာမတွေ့နိုင်တဲ့အခါမှာတောင် သူက လာပြီးတွေ့တယ်။ လွတ်လပ်မှုရဲ့ သဘောကို သာမန်လူတွေထက် သူ့မှာ အများဆုံးတွေ့နိုင်တယ်။ လွတ်လပ်မှု ဘယ်လောက်ပဲ ကန့်သတ်ပါစေ၊ ၁၀ နှစ်တာကာလလုံး သူများတွေလာမတွေ့နိုင် တဲ့အချိန်မှာ အန်ကယ့်အိမ်ကို ပုံမှန်လာပြီးတွေ့တယ်။ သူဟာ အမြဲတမ်း လွတ်လပ်မှုကို ကိုယ်စားပြုနိုင်တယ်လို့ ပြောလို့ရတယ်။ သူကွယ်လွန်သွားတဲ့အတွက် စိတ်မကောင်းဖြစ်မိတယ်။သူ့ကို မိတ်ဆွေတစ်ယောက်အနေနဲ့ရော လွတ်လပ်တဲ့သူတစ်ယောက် အနေနဲ့ပါ ဆုံးရှုံးသွားရတယ်လို့ အသိအမှတ်ပြုလို့ ရတယ်။"
-------------------------------------------------------------------
- ဂါဒီယန်ဦးစိန်ဝင်း
"My deepest condolences to the demise of CTO and a sad loss to the Myanmar Times."
-------------------------------------------------------------------
- ရော့စ်ဒန်ကလီ
"It is very sad as CTO was part of our every day life and will miss him a lot. May he rest in peace."
-------------------------------------------------------------------
- လူထုစိန်ဝင်း"နှစ်ပေါင်းများစွာ ခင်မင်ရင်းနှီးခဲ့ရတဲ့ လုပ်ဖော်ကိုင်ဖက်တစ်ဦးဖြစ်သလို ဘ၀တူ အောက်ဆီဂျင်ပိုက်တန်းလန်း သမားတစ်ယောက် ဖြစ်လို့ သိပ်စိတ် မကောင်းဖြစ်ရတယ်။ သူဟာအင်မတန် ရိုးသားဖြူစင်သူဖြစ်တယ်။ တခြား ပညာတတ်တွေလို ဟန်မဆောင်ဘူး၊ မညာဘူး၊ သိပ်ချစ်စရာကောင်းတယ်၊၊"
-------------------------------------------------------------------
- မင်းကျော်မင်းသူငယ်ချင်းရေ - အခု The Myanmar Times မှာ လူသူလေးပါး မနိုးခင်၊ ကျီးမနိုးခင် တိုးတိုးတိတ်တိတ်လေး တို့ကိုရှောင်ထွက်သွား တာကတော့ မင်းအထာနဲ့မင်းဖြစ်နေခဲ့တာပါ။ မင်းအထာနဲ့ "လုပ်ချလိုက်တာ" ပါပဲလေ။ သူငယ်ချင်း ချစ်တဲ့ ပုလင်းကလေးနဲ့ ပတ္တလားလေးကို စွန့်ခွာသွားတဲ့ မင်းတစ်ယောက် ကောင်းရာသုဂတိလားပါ စေတော့လို့ ဆုတောင်းရင်း ဖြေဖျောက်ရတော့မှာပါကွာ။
-------------------------------------------------------------------
- ဒေါက်တာ အောင်ခင်ဆင့်
"ကျွန်တော့်ဆရာလည်းဖြစ်၊ မိတ်ဆွေ သင်္ဂဟ အပေါင်းအဖော်လည်းဖြစ်၊ ဝေဒနာခံစားရတိုင်း ကူညီကုသဆောင် ရွက်ပေးတဲ့ သူငယ်ချင်းဆရာဝန်လည်း ဖြစ်ခဲ့တဲ့ ကျွန်တော်အောင်ခင်ဆင့်ပါ။ "စာပေနှင့် ပတ်သက်လို့ အဓိက အကြောင်းတစ်ရပ် CTO ထံမှ ရခဲ့ တာကတော့ 'မားသား' (Mother)၊ အမေဆိုတဲ့ စာသားစာလုံးများထံမှ ရယူပြီး၊ ကျွန်တော့်အမေအကြောင်း ရေးခဲ့ဖူးလို့ ကိုချစ်သိန်းဦး (CTO) ကို လွန်စွာ ကျေးဇူးအထူးတင်ခဲ့ဖူးတဲ့ ကျွန်တော်ပါ။"
-------------------------------------------------------------------
- မောင်လှိုင်(စာပေဗိမာန်)
"The Guardian House မှာ တွေ့စဉ်တုန်းက သူ့အသွင်က ပြုံးရွှင်နေသည်။ (စာ)ရေးနေလည်း ပြုံးနေသည်။ (ဘာသာ)ပြန်နေ လည်း ပြုံးနေသည်။ (စကား)ပြောနေလည်း ဟာသနှော ပြုံးနေသည်။ The Myanmar Times ရောက်ပြန်တော့လည်း ဤနည်း နှင်နှင်။ ဆရာ CTO ထံမှ ကျွန်တော် ပညာ များစွာရခဲ့သည်။ အထူးသဖြင့် လောကဓံကို ပြုံးပြုံးလေး ရင်ဆိုင်တတ်အောင် သင်ပေး သွားသည့်ဆရာ CTO ၏ ဂန္ထ၀င်အပြုံးကား ရင်ထဲမှာ ကိန်းအောင်းနေဆဲပါ။"
-------------------------------------------------------------------
ကျွန်တော်တို့ချစ်ရတဲ့ 'ဆရာချစ်'
မောင်ဝံသဆရာချစ်လို့ ကျွန်တော်တို့ ချစ်စနိုး ခေါ်တဲ့ CTO ခေါ် ဦးချစ်သိန်းဦးကို ၁၉၆၀ နှစ်များမှာ ရန်ကုန်တက္ကသိုလ် အင်္ဂလိပ်စာဌာနက ဆရာတစ်ယောက် အဖြစ် စတင်သိကျွမ်းခဲ့ပါတယ်။
ကျွန်တော်တို့ရဲ့ ယုံကြည်ချက်တူ နောင်တော်ကြီး တစ်ယောက်လို့ သိခဲ့ ပါတယ်။
ဆရာချစ်ဟာ ကောလိပ်ဂျင် ဇာတ်ကားမှာ ဇာတ်လိုက် ကိုသိန်းဖေ (ကိုနေ၀င်း)ရဲ့ ဟောလ်ကျူတာအဖြစ် ပါဝင်သရုပ်ဆောင်ခဲ့တဲ့ ပုံရိပ်လေးတွေ မှတ်မိပါသေးတယ်။
နောက် ကျွန်တော်တို့ သတင်းစာ လောကရောက်တော့ ဆရာချစ်ကို ဂါဒီယန်သတင်းစာအယ်ဒီတာအဖြစ် ပြန်လည်ဆုံစည်းရပါတယ်။ ဆရာချစ်ဟာ နိုင်ငံတကာအဆင့်မီ အင်္ဂလိပ်စာ ကျွမ်းကျင်သူဖြစ်လို့ အင်္ဂလိပ်သတင်းစာတွေက သူ့ကို အားကိုးခဲ့ရပါတယ်။
ဆရာချစ်ဟာ ပညာတော်ရုံမက သူ့ ထူးခြားချက်က လူမှုပေါင်းသင်း ဆက်ဆံရေး အလွန်ကောင်းမွန်တာ ဖြစ်ပါတယ်။
သူ့ကြည့်လိုက်ရင် အမြဲတမ်း ပျော်ပျော်နေတာပဲ တွေ့ရတယ်။
CTO စိတ်ညစ်နေတယ်ဆိုတာကို ကျွန်တော်တော့ တစ်ခါမှမတွေ့ဖူးပါဘူး။
နှာခေါင်းမှာ အောက်ဆီဂျင်ပိုက်တန်း လန်းနဲ့ နေရချိန်မှာလည်း တဟားဟား ရယ်နေတာပဲ တွေ့ရတယ်။
သူ့ရဲ့ နောက်ဆုံးနှစ်များကို မြန်မာတိုင်း(မ်)မှာကုန်လွန်ခဲ့ပါတယ်။
သူတတ် ထားတဲ့ အဆင့်မြင့်အင်္ဂလိပ်စာ အရေးအသား ပညာတွေကို နောက်မျိုးဆက်တွေအတွက် လက်ဆင့်ကမ်းပေးနိုင်ခဲ့တယ်လို့ သိရလို့ ကျွန်တော့စိတ်ထဲ သာဓုခေါ်ပြီးဖြေသာစရာဖြစ်ရပါတယ်။
-------------------------------------------------------------------
- မသိင်္ဂီ"ဆရာ ဦးချစ်သိန်းဦး ကွယ်လွန်သွားတယ်လို့ ကြားလိုက်ရတော့ နှမြောပါတယ်။ လွန်စွာပဲ စိတ်မကောင်းဖြစ်မိတယ်။ဆရာ CTO ဟာ Myanmar Times ရဲ့ ရုက္ခစိုးလို့ ခေါ်လို့ရအောင် ကျွန်မအပါအ၀င် တခြား အယ်ဒီတာ သတင်းထောက် ကြီး၊ ငယ်၊ မရွေးအပေါ် အစဉ်သဖြင့် ကူညီပါတယ်။အကြံကောင်းများပေးပါတယ်။ "စာပေအသိုင်းအ၀ိုင်းတစ်ခုလုံး အတွက်လည်း ဆုံးရှုံးမှုတစ်ရပ်ဖြစ်ပါ တယ်။ ဆရာ CTO အား အစဉ် လေးစားလျက်"
http://workwellwith.wordpress.com/2010/04/07/chit-thein-oo-1932-2010/
Chit Thein Oo (1932-2010)
By workwellwith
— Chit Thein Oo (CTO) — 1932-2010
His self-study English books improved my English in my early twenties, not just as a Burmese reader to understand things like grammar and sentence constructions but as enable me to provide explanations to others who would like to study English sysmatically. Very comprehensive teaching and/or learning aid to young people today even.
He treated young people like his same level friends, who in turn gave a full respect to him.
In a man’s life, there are things he or she should/must perform in their thirties, forties and fifties, etc.
My concern is that it is good for a man to read a lot in his forties generally. “Absorbent power of his or her brain is very excellent at that period,” CTO said once to me. It is really true to me now.
His political view is much like a communist – the then influential ideology of his age. He did not believe in God as well as in life after death. I do not agree to it from a Buddhism perspective.
I am sure he had been a symbol in The Myanmar Times, like dedicating to literary and journalism works. He was second to another MT editor Tin Nwe Maung, the first to have gone at the MT, which set up a pen-like figure made of alabaster, marking his departure.
There would be another thing commemorating CTO, which might be more significant.
FEEL: Mourning over his decease, let’s say ‘many thanks to the MT as he was reserved a lodge in.’ It is also a dignified pattern with an internationally reputed news organization that allows such an old-aged media person keeping on working with his or her newsroom.
ဦးချစ်သိန်းဦး ကွယ်လွန်
စိုင်းဇွမ်ဆိုင်း | အင်္ဂါနေ့၊ ဧပြီလ ၀၆
ချင်းမိုင် (မဇ္ဈိမ)။ ။ မြန်မာတိုင်းမ်ဂျာနယ်၏ အတိုင်ပင်ခံ အယ်ဒီတာ ဦးချစ်သိန်းဦး အသက် ၇၈ နှစ်သည် ယနေနံနက်က ဂျာနယ်တိုက်ရှိ သူ၏ အိပ်ခန်းအတွင်း ကွယ်လွန်သွားသည်။
CTO ဟူသည့် ကလောင်ဖြင့် အင်္ဂလိပ်စာလေ့လာသူ ကျောင်းသားများအတွက် စာအုပ်များ ရေးသားပြုစုခဲ့သူ ဦးချစ်သိန်းဦးသည် အပတ်စဉ်ထုတ် မြန်မာတိုင်းမ်၏ အင်္ဂလိပ်ပိုင်းနှင့် နိုင်ငံတကာ သတင်းများအတွက် တာဝန်ယူရသူ အတိုင်ပင်ခံအယ်ဒီတာ ဖြစ်သည်။
“ဆရာကြီးက အရင်ကတည်းက အောက်ဆီဂျင် ရှူနေရတယ်။ အခုလည်း သာမန်အတိုင်းပဲ ညအိပ်နေတုန်း နှလုံးနဲ့ အသက်ရှူရပ်ပြီး ဆုံးသွားတဲ့ သဘောပါ။ ဒီမနက် အိပ်ယာက မနိုးလို့ ရုံးဝန်ထမ်းတယောက်က သွားနှိုးတော့မှ သိရတာပါ” ဟု မြန်မာတိုင်းမ် ဝန်ထမ်းတဦးက မဇ္ဈိမကို တယ်လီဖုန်းမှတဆင့် ပြောသည်။
ဦးချစ်သိန်းဦးကို မုံရွာမြို့တွင် အဖ ဦးတင်ဦး၊ အမိ ဒေါ်ကြည်တို့မှ ၁၉၃၈ ခုနှစ် ဧပြီလ ၃ဝ ရက်နေ့တွင် ဖွားမြင်ခဲ့ပြီး၊ ၁၉၅၅ ခုနှစ်တွင် ရန်ကုန်တက္ကသိုလ်မှ မြန်မာစာအဓိကဖြင့် ဥပစာတန်း အောင်မြင်ခဲ့သည်။ ထို့နောက် စိန်ဂျွန်းကျောင်း၊ ရန်ကုန်တက္ကသိုလ်တို့တွင် မြန်မာစာဆရာ၊ အင်္ဂလိပ်စာဆရာအဖြစ် အလုပ်လုပ်ခဲ့သည်။
၁၉၆ဝ ခုနှစ်တွင် Guardian သတင်းစာတွင် အယ်ဒီတာအဖြစ် တာဝန်ထမ်းဆောင်ခဲ့ပြီး၊ ၁၉၈၈ ခုနှစ် အပြီးတွင် Working People's Daily သတင်းစာတွင် ဒုတိယ အယ်ဒီတာချုပ်အဖြစ် တာဝန်ယူခဲ့သည်။ ဘာသာပြန်ခြင်း အလုပ်ကို တစိုက်မတ်မတ် လုပ်ဆောင်လာခဲ့သည်။
မြန်မာနိုင်ငံအတွင်းမှ သစ္စာဖောက် ပုဆိန်ရိုးများနှင့် ပြည်ပဓားရိုးကမ်းသူတို့ အရှုပ်တော်ပုံစာအုပ်ကို မြန်မာ၊ အင်္ဂလိပ် နှစ်ဘာသာဖြင့် ရေးသားထုတ်ဝေခဲ့သည့်အပေါ်တွင်လည်း အစိုးရက အထူးတလှယ် ချီးကျူးထားသည်။ ၁၉၉၂ ခုနှစ်တွင် အငြိမ်းစားယူပြီးနောက် အင်္ဂလိပ်စာ ကျူရှင်ဆရာနှင့် ဘာသာပြန်လုပ်ငန်းများ လုပ်ဆောင်ခဲ့သည်။
၂ဝဝဝ ပြည့်နှစ်တွင် မြန်မာတိုင်းမ်၌ စတင်တာဝန်ထမ်းဆောင်သည်။ သတင်းထောက်များကို သတင်းစာသင်တန်း၊ အင်္ဂလိပ်စာသင်တန်းများကို ဦးစီးခဲ့သည်။ ၂ဝဝ၈ ခုနှစ်တွင် မြန်မာတိုင်းမ်မှ ဖွင့်လှစ်သော ဘာသာပြန်သင်တန်းတွင် သင်ကြားခဲ့သည်။
ကွယ်လွန်ချိန်တွင် သားသမီး ၈ ဦး ကျန်ရစ်ခဲ့သည်။
အလယ်တန်းအထိ - စာသင်ဖူးသော အသက် ၃၀ မှ ၆၀ ကြား မြန်မာ နိုင်ငံ သားတိုင်းသာမက လူငယ်မျိုးဆက်သစ်တို့ အကြားမှာပင် ဩဇာ ကြီးမားဆဲ ဖြစ်သော English for Self-Study စာအုပ်အား ပြုစုခဲ့သူ ဆရာ စီတီအို (CTO - ဆရာ ချစ်သိန်းဦး) သည် မြန်မာတိုင်း(မ်) ဂျာနယ်၏ Contributing Editor အဖြစ်လည်းကောင်း၊ သတင်းစာပညာ၊ ဘာသာပြန်ပညာတို့ကို လက်ဆင့်ကမ်းဝေမျှလျက်ရှိသူ အဖြစ် လည်းကောင်း၊ နောက်ဆုံးအချိန်အထိ တာဝန်ထမ်းဆောင်ရင်း ၂၀၁၀ ပြည့်နှစ်၊ ဧပြီလ ၆ ရက် နံနက် ၉ နာရီခွဲတွင် မြန်မာတိုင်း(မ်)ဂျာနယ်ရှိ ၎င်း၏အလုပ်ခန်း၌ လူကြီးရောဂါဖြင့် ကွယ်လွန်သွားခဲ့သည်။
